NATO IN ARMENIA
PRODOTTO IN ITALIA
Ողջ կյանքը բաղկացած է հույզերից, որոնք պիտի հաճույք և ուրախություն պարգևեն մեզանից յուրաքանչյուրին:
Հենց սա է մեր վերաբերմունքը կյանքի և միմյանց հանդեպ:
Երբ հարց ծագեց ’’LIZAR’’-ի առաջին գիծը կյանքում մարմնավորելու համար, բոլորս միաբան ասեցինք «ՍՈՒՐՃ», ընդ որում մատչելի, ամենաժամանակակից և որքան էլ տարօրինակ է, պարգևատրային՝ իչպես բուն մթերքի բովանդակությամբ, այնպես էլ հույզերում ներդրված գաղափարախոսությամբ:
Մենք հասկանում, արժևորում և սիրում ենք Ապենինյան թերակղզու բնակիչների մոտեցումը կյանքին և դրական հույզերի դերին ամեն ինչում, որին նրանք հղորդակից են՝ սկսած զուտ արվեստից, վերջացրած աշխարհի հետ փոխհարաբերությունների մշակույթով:
Թերևս գոյություն չունի գործունեության որևէ հուզական ոլորտ, առանց խորը իտալական հետքի:
Իտալական խոհարարական մագիայի մասին կարելի է անվերջ զրուցել, համտեսել, հիանալ և փնտրել կատարելություն...
Սուրճ և իտալացիներ... սա այն դեպքն է, երբ կարծես թե միևնույն բաղադրիչներից (սուրճից) կարելի է ստանալ ոչ միայն համի և հետհամային զգացողության իտալական գլուխգործոց, այլև մեկանգամյա շարքային ըմպելիք:
Իտալացիները սիրում և կարողանում են լսել, ընկալել և զգալ Քեզ այն պայմանով, որ ձեր հարաբերություններում կեղծիք չկա, այլ կան անկեղծություն և սեր՝ սկսած ամենասկզբից մինչև վերածնում:
Այո, Նրանք այդպիսին են, դա փաստ է:
’’LIZAR’’-ը մտերիմ է Franchesco-ի, Antonella-ի, Cinzia-ի հետ, ընդ որում վաղուց: Մենք նրանց հետ միևնույն սրճային ալիքի վրա ենք և հասկանում ենք իրա կես խոսքից:
Սա զարմանալի, հետաքրքիր և ծայրահեղ արդյունավետ գործընթաց է:
Անկեղծորեն և իտալական աչքերում էսթետներին հատուկ ջերմությամբ, միայն լսելով ’’LIZAR’’ անունը մեր ընկերները հանպատրաստից և անկեղծ հույզերով, որսացին ալիքը, կանգնեցին մեր կողքին և ասեցին “Si”: Բոլորս ժպտացինք և ակնթարթորեն կողմնորոշվեցինք:
Եվ սա նույնպես փաստ է:
Աշխարհը և նրա հետ միասին մեր կենցաղը զարգանում են այնքան սրընթաց, ռիթմիկ և անդադար, որ կորչում է մեր կյանքի հուզական բաղադրիչը:
Պարզապես շատ բաների համար մեզ չի հերիքում ժամանակը: Մենք ուրախանում ենք յուրաքանչյուր նորույթի համար, որը բացի հարմարավետ ու առաջադիմական լինելուց, մեզ վերադարձնում է անալոգային և ջինջ զգացումների:
Առաջադիմությունը տեղում չի դոփում. կյանքի թվային ու անալոգային սահմանագիծը չափազանց նուրբ ու անհատական է: Շատերը սա հասկանում են թե լուծումների փնտրտուքում, թե արտադրանքի վերջնական արդյունքում, որտեղ տեխնոլոգիայի և անալոգի թվային հաշվեկշիռը, որպես անարատ հույզերի ուղեկից միահյուսված են իրար:
Կյանքը, բնությունը, սերը և մենք կաթիլ առ կաթիլ, հաճույքով և գիտակցաբար վերադարձնում ենք գույները, մաքուր և պարզ հույզերը, որոնք այնքան պահանջված են, որ դարձել են «դեֆիցիտ», առանց որոնց տխուր է ու ոչ հարմարավետ…
Գեղեցիկի զգացումն ու անկեղծ հուզական գույների հանդեպ բնական պահանջմունքը, որպես ուղեկից ’’LIZAR’’-ի համար եղել են, կան ու կլինեն իր բոլոր ձեռնարկներում և նախագծերում:
Շատ տարիներ առաջ “Nestle” ընկերությունը հնարեց և ստեղծեց “Nespresso” համակարգը, փաստորեն հեղափոխական փոփոխություններ սկսելով ինչպես սուրճի սպառման մշակույթում, այնպես էլ մարդկանց նոր խավի ձևավորման ասպարեզում, ովքեր հասկացան, ընդունեցին այն ժամանակվա ամենառիսկային մթերքը և բուն փաստը, որ կարելի է նաև այդպես:
Եվ սա “Nestle”-ն ու “Nespresso”-ն իրագործեցին 100%-ով:
Այժմ “Nespresso” համակարգն առավել մատչելի է, մշակույթը տրամաբանորեն հասկանալի և ընդունված է գործնականորեն բոլոր սուրճի ակումբների և սուրճի սիրահարների կողմից:
Բացելով “Nespresso” համակարգը անկախ սուրճարտադրողների և սրճեփ մեքենաների համար, “Nestle”-ն իրականացրեց ևս մի հեղափոխություն, որն արժանի էր առաջադիմության մեջ նրա զբաղեցրած տեղին:
Պարզ ասած “LIZAR”-ի սուրճը բովվելուց և գազազերծվելուց հետո, իր ուղին՝ աղացից մինչև “Nespresso” համակարգին համատեղելի պատիճների մեջ փաթեթավորվելը, անցկացնում է անօդ միջավայրում: Դա երաշխավորում է, որ պատիճը հայտնվելով “Nespresso” համակարգի ցանկացած սրճեփ մեքենայի մեջ, իր պարունակությունը կհասցնի գործնականորեն նախաստեղծ ձևով և 100%-ով կփոխանցի ստեղծման պահին ներդրված բոլոր զգացումներն ու հույզերը: Ողջ գաղտնիքը օդի դուրսմղման մեջ է, իսկ դրա հետ նաև թթվածնի, ինչը թթվեցնում է սուրճը և դրանով իսկ անվերահսկելիորեն փոխում է նրա համն ու բույրը: Եվ սա նույնպես փաստ է:
Մենք “LIZAR”-ի հետ մուտք գործքցինք “Nestle”-ի կողմից սիրահոժար բացված դուռը:
Սկզբում ծնվեց այն ըմբռնումը, որ մենք անկախ արտադրանքից, պիտի վերարտադրվենք ու կիսվենք հույզերով:
Այնուհետև հայտնվեց պարզ, հասկանալի և ջինջ հույզերի «գաղտնի ցուցակը», առանց որի կյանքը ձանձրալի և առօրեական է…
Ամենահետաքրքիրն այն է, որ «ցուցակի» մեջ հայտնվել էին նաև քաղաքներ, օրինակ Հռոմը և Պոզիտանոն… Այս կապակցությամբ մենք ունենք զգացական մակարդակի բացատրություններ և վստահ ենք, որ Դուք ևս ունեք այդպիսիք:
Դիզայնի մասով կողմնորոշվեցինք միանգամից:
Բարեբախտաբար մեր շուրջը կան և կլինեն ֆանտաստիկ ընկեր-էնտուզիաստներ, բառի լայն իմաստով ճարտարապետության և դիզայնի իսկական գուրուներ, ի ծնե նկարիչներ:
Ամենաբարդ բանը եղել և մնում է հույզերի փոխանցումը սուրճի համի և բույրի միջոցով:
Այս գործընթացը բազմիցս մեզ հանգեցրել է ելման կետին…
Սա կարելի է առանց բարդության արտահայտել գրության մեջ, բայց այդ դեպքում կորչում է մոգությունը, որը ցանկալի չէ:
Անտարակուսելի է մեր վաղեմի և անալոգային բարեկամ Franchesco Capobianco-ի դերը:
Երբ երկար ժամանակ անշահախնդիր ընկերություն ես անում մարդու հետ, գալիս է պահը, երբ լսում ու հասկանում ես նրան ցանկացած հեռավորության վրա, իսկ սա հենց այդ դեպքն է:
Արդյունքում մենք իսկական հաճույք և բավարարություն ստացանք կատարված աշխատանքից և ներդրված հույզերին համապատասխանող համերի բարդագույն ընտրությունից:
Ստեղծված հավաքածուների ցուցանմուշները գնահատելու իրավունքը պատկանում է Ձեզ և միմիայն Ձեզ:
Այսպես ծնվեցին «Անալոգային» համային հավաքածուները, որ «լույս աշխարհ էին եկել» սիրով և ստեղծագործաբար:
Վերջնական արտադրանքը ստանալու գործընթացը պետք է միավորեր «Անալոգային» համը գերժամանակակից արտադրական տեխնոլոգիաների հետ: Գործընթացը գլխավորեց Antonella Cevelini-ն:
Նա Բոլոնիայում ստեղծեց ընտանեկան սրճային արտադրություն-բուտիկ:
Առավել ժամանակակից և ավելի «թվային» տեխնոլոգիաներ մեզ պետք չեն. Antonella-ն և նրա «ստեղծագործությունը» այն հազվագյուտ դեպքն են, երբ «հոգուց» ու «գաղտնիքներից» զուրկ արտադրանքի առաջ փակ են դռները:
Եվ սա փաստ է:
Գերագույն աստիճանի մշակույթն ու արտադրական գործընթացի հիմնավոր գիտելիքները մեզ այնքան հմայեցին, որ մենք ոչ մի վայրկյան չտարակուսեցինք “LIZAR”-ի համար ճիշտ ընտրություն կատարելու մեջ:
Սա մեր հիանալի մոլորակի այն անկյունն է, ուր ինչպես բնակիչների, այնպես էլ երկրի հյուրերի հուզական միջավայրը զարմանալի կերպով լցվում է մաքրությամբ և ոգեշնչվածությամբ: Շնչելը, երազելը, երևակայելը և ստեղծագործելը այստեղ հաճելի է և հեշտ:
Միշտ ցանկանում ես վերադառնալ այստեղ՝ մաքրության և անբացատրելի էներգետիկայի գաղտնիքը բացահայտելու համար:
Կոմպակտ երկրների առանձնահատկությունը կայանում է ցանկացած նոր, հավակնոտ նախաձեռնություններին սոցիումի և հյուրերի զարմանալի մասնակցության մեջ:
Գաղափարն ու արտադրանքը կամ ընդունվում են միանգամից ու լրջորեն, կամ էլ անցնում են դեպի մարդկանց սրտերը տանող ուղով, իսկ սրտին չես հրամայի, քանի որ կեղծիքը ոչ մի հեռանկար չունի:
Այդպիսի շուկա-«բուտիկները» սովորաբար ծայրահեղ հագեցած, կոմպակտ ու մասնավոր են:
Ամեն մի նորույթ ասես անցնում է սփյուռքի բնակիչների և քաղաքի հյուրերի «աուդիտով» (վերստուգմամբ):
Ինչպես ասում են՝ «կտրող դանակի բերանը շատ սուր է», և “LIZAR”-ի հետ, մեզ համար շատ հետաքրքիր ու ստեղծագործաբար հագեցած կլինի մեր ուղին սկսել Հայրենիքից:
Սա շատ պատասխանատու գործընթաց է: Այստեղ, հարազատ միջավայրում, մենք զգում ու գիտակցում ենք նշաձողի բարձրությունը և մեզ տրված վստահության վարկը:
Այնպես որ, կզբաղվենք փորձարարությամբ, չէ՞ որ դա միշտ էլ հետաքրքիր է, անսպասելի ու անհրաժեշտ: Այսպես է ծնվում ճշմարտությունը, առանց որի անհնար է ապրել:
Արդյո՞ք “LIZAR”-ը կկարողանա նրբորեն հուզական կամուրջ կառուցել, կարգի բերել ու պահպանել «Անալոգի» ու «Թվի» հավասարակշռությունը՝ ցույց կտա ժամանակը և “LIZAR”-ի փնտրելու, ստեղծագործելու, փոխհամաձայնեցված դեպի «Ոսկե Ստանդարտը» գնալու ունակությունը:
Մեզ չափազանց հետաքրքրում է ավանդական շուկայում զարգացնել պատիճներով սուրճի գաղափաևը՝ կայունացած ավանդույթների մեջ առաջնությունը տալով համին և հույզերին…
Մենք հավատում ենք, որ խնամքով և սիրով կբախենք Ձեր սրտերի դռները և պահանջված կլինենք միմյանց համար…
Երբ գործընթացին մոտենում ես այն գաղափարով, որ քեզ ուղեկցում են հույզերը, դրայվը և բնական էությունը, ապա կարող ես ձեռնարկել շատ ու շատ գործեր, և որքան էլ տարօրինակ է, անգամ մի քիչ սխալվել:
Կարևոր է ապրել դրանով, ասես քո հագին չափափորձել, համակվել, ոգեշնչվել ու երազել, իսկ հանրագումարում գլխում մոդելավորել վիրտուալ, բայց ըստ էության իրական արդյունք…
Այսպիսի մոտեցման դեպքում ժամանակն ու գաղափարի մարմնավորման արագությունը կարևոր չեն, գլխավորը հընթացս չկորցնել սկզբունքներն ու «քարոզչությունը», և այդ դեպքում ամեն ինչ կստացվի:
Իսկ այժմ “LIZAR”-ը բոլոր գաղափարները կյանքի կկոչի “LINEA DI COFFEE PREMIUM”-ի հետ:
Ակնհայտ է, որ առաջիկայում սպասվում է հետաքրքրական ու լարված աշխատանք, իսկ ապրել ու մոդելավորել պետք է այն գաղափարներով, որոնք արդեն ի հայտ են եկել և գտնվում են սուրճի տեսանկյունից տրամագծորեն հակառակ կողմում:
Իսկ սա պարզապես հիանալի է:
